اسلام آباد۔16ستمبر (اے پی پی) گزریل چووی گھنٹیاں اچ کورونا پاروں پنجاب دے بعد خیبرپختونخوا اچ ساریاں توں ودھ اموات ریکارڈ کیتی ڳئی۔ ملک اچ چووی گھنٹیاں اچ کورونا دے ترائے ہزار 12 نویں کیسز، 66 اموات رپورٹ تھین۔ نیشنل کمانڈ اینڈ آپریشن سینٹر ولوں جاری اعدادوشمار دے مطابق گزریل چووی گھنٹیاں اچ ملک اچ ترائے ہزار 12 لوکاں دے ٹیسٹ مثبت آئن۔ ملک دے چار وݙے شہراں اچ وینٹیلیٹرز تے کوویڈ۔ 19 دے مریضاں دے تناسب دے لحاظ نال بہاولپور اچ 69 فیصد,لاہور اچ 49 فیصد،ملتان اچ 76 فیصد اتے سرگودھا اچ 55 فیصد مریض ہن۔ گزریل چووی گھنٹیاں اچ 56 ہزار 778 کورونا دے ٹیسٹ کیتے ڳئن۔ جئیں اچوں 3012 لوکاں دے کورونا دے ٹیسٹ مثبت آئن۔ اینویں گزریل چووی گھنٹیاں اچ کیتے ڳئے کورونا ٹیسٹاں دی مثبت شرح 5.30 فیصد رہی۔
مضمون کا ماخذ : ہاٹ اسپن
