اسلام آباد۔1ستمبر(اے پی پی)وزیراعظم عمران خان اعلیٰ تعلیم دے ودھارے کیتے جاری اہم منصوبے ترجیحی بنیاداں تے مکمل کرݨ، یونیورسٹیاں اچ اعلیٰ تعلیم ݙیوݨ اتے وفاق ولوں مالی وسائل چنڳے استعمال کرݨ دی ہدایت کیتی اے۔ او اسلام آباد اچ ملک اچ اعلیٰ تعلیم دے ودھارے سانڳے اقدامات کیتے جائزہ اجلاس دی اڳواݨی کریندے پئے ہن۔ اجلاس اچ وفاقی وزیر تعلیم شفقت محمود، وفاقی وزیر اطلاعات و نشریات چوہدری فواد حسین، وفاقی وزیر منصوبہ بندی اسد عمر، معاون خصوصی ڈاکٹر شہباز گل، ڈپٹی چیئرمین منصوبہ بندی کمیشن اتے ٻئے سینئر افسران شرکت کیتی۔ اجلاس اچ ایں مالی سال 2021-22 اچ ہائر ایجوکیشن کمیشن کوں اعلیٰ تعلیم دے 168 منصوبیاں کیتے 42 ارب روپے رکھیے ڳین جیندے اچ 29 ارب روپے دے 128 جاری منصوبے اتے 12 ارب روپے دے 40 نویں منصوبے شامل ہین۔ وزیراعظم آکھیا جو حکومت ملک اچ اعلیٰ تعلیم دی ترقی چاہندی اے جو ساݙے نینگر ملکی ترقی اچ اہم کردار ادا کرسڳن، تحقیق ، سائنس و ٹیکنالوجی اتے ٻعے شعبیاں اچ ملک اڳو تے ودھے۔ انہاں ہدایت کیتی جو اعلیٰ تعلیم دے شعبے دی ترقی کیتے سارے متعلقہ ادارے اتے صوبے جزا و سزا دے نظام سودھا موثر پالیسیاں اپناوݨ کیتے مل تے کم کرن ایں سانڳے وفاق ودھ تعاون کریسی۔
وزیراعظم عمران خان دی زیر صدارت ملک اچ اعلیٰ تعلیم دے ودھارے سانڳے جائزہ اجلاس
مضمون کا ماخذ : پاور بال کے اعدادوشمار
متعلقہ مضامین
