پشاور۔17اگست (اے پی پی):وزیر اعظم دے معاون خصوصی مذہبی ہم آہنگی علامہ طاہر اشرفی آکھیے جو پاکستان امن دا علمبردار اے ، ایں خطے بالخصوص افغانستان اچ قیام امن کیتے پاکستان ٻہوں قربانیاں ݙتن اتے ایں سلسلے وچ اپݨی مثبت اتے تعمیری کوششاں جاری رکھیسی ، او منڳل کوں پشاوراچ پریس کانفرنس کریندے پئے ہن ، علامہ طاہر اشرفی ھک سوال دے ولدے اچ آکھیے جو افغانستان دی موجودہ صورت حال دے حوالے نال متعلقہ ادارے سانجھے طور تے رابطے وچ ہن جݙاں جو ایں حوالے نال پاکستان بین الاقوامی برادری نال وی رابطے وچ ہے جݙاں جو مذکورہ اداریں دی وساطت نال پاکستان دا موقف سامݨے آندا پئے۔ علامہ طاہر اشرفی آکھیے جو وزیر اعظم 2009 اچ افغانستان اتے ایں خطے دی صورت حال دے حوالے نال جیں موقف دا اظہار کیتا ہئی جو مسئلیں دا حل ڳال مہاڑ نال ممکن اے ، جنگ و جدل توں ننی ایں موقف کوں ہݨ ساری دنیا منیندی پئی اے ، انہاں آکھیے جو افغانستان اچ پاکستان امن سانگے سہولت کار دا کردار ادا کیتے ۔
ہم آہنگی دے استحکام وودھارے سانڳے وزارت مذہبی امور ، امن کمیٹیاں اتے سارے متعلقہ ادارے آپت اچ رابطے وچ ہن ، علامہ طاہر اشرفی دی پشاور اچ پریس کانفرنس
مضمون کا ماخذ : قدیم مصری کلاسک
متعلقہ مضامین
