اسلام آباد۔19جون (اے پی پی):عالمی برادری شورش زدہ علاقیں اچ جنسی تشدد مکاوݨ کیتے عالمی ݙٰینھ منیندی پئی اے ،پاکستان ایں موقع تے بھارتی قابض افواج دے ہتھوں انسانی حقوق دی بے حد خلاف ورزیاں دا سامݨا کرݨ آلے بھارتی غیر قانونی مقبوضہ جموں و کشمیر دے عوام دے خلاف جنسی جرائم مکاوݨ دے مطالبے دا اعادہ کیتے ۔ دفتر خارجہ دے ترجمان ھک بیان اچ آکھیے جو غیر قانونی مقبوضہ جموں و کشمیر اچ وسݨ آلیاں تریمتاں ،چھوہریں تے ٻالاں کیتے زندگی ݙودھاری تلوار بݨ ڳئی اے ۔ انہاں کوں نہ صرف آپݨے بنیادی حقوق دی کمی اتے جبری تسلط دے ماحول اچ زندگی گزارݨی پوندی پئی اے ، بلکہ جنسی تشدد اتے عصمت دری دے خطرے دا وی سامݨاکرݨا پوندا پئے تاں جو بھارتی غیر قانونی مقبوضہ جموں وکشمیر دے عوام دی حق خودارادیت دے مطالبے دی آواز کوں چپ کرایا ونڄ سڳے ، جیں دی اقوام متحدہ دی سلامتی کونسل متعلقہ قرارداداں دے تحت ضمانت ݙتی ڳئی اے ۔
پاکستان دا بھارتی غیر قانونی جموں کشمیر دے عوام تے جنسی جرائم مکاوݨ دا مطالبہ
مضمون کا ماخذ : لاٹری ٹکٹ آن لائن دستیاب
متعلقہ مضامین
