اسلام آباد ۔ یکم اپریل (اے پی پی)وفاقی وزیر منصوبہ بندی ترقی، اصلاحات و خصوصی اقدامات اسد عمر آکھیے جوملک اچ لاک ڈاﺅن 14 اپریل تئیں جاری رہسی ، پورے ملک اچ گڈز ٹرانسپورٹیشن بحال رہسی، جاری بندش نال کورونا وائرس دے کھنڈنڑ کوں روکنڑ اچ مدد ملی اے ۔اے گال انہاں معاون خصوصی ڈاکٹر معید یوسف اتے ڈاکٹر ظفر مرزا دے رلے این سی سی اجلاس دے بعد بریفنگ ڈیندے ہوئیں آکھی اے ۔ وفاقی وزیر اسد عمر آکھیے جو 14 اپریل کوں این سی سی دے اجلاس اچ فیصلہ کریسوں جو بند ختم کرنڑیں اے یا ودھاونڑیں اے ۔ انہاں آکھیے جو ملک اچ جاری بندشاں نال کورونا وائرس کھنڈنڑ کوں روکنڑ اچ مدد ملی اے ۔کورونا دی صورتحال اچ دوائیاں دی فراہمی جاری رہسی ۔ انہاں آکھیے جو اندرلے ملک پروازاں تے حالی پابندی رہسی ۔انہاں آکھیے جو وفاق اتے سارے صوبیں دے مشورے نال فیصلہ تھئے جو ملک اچ جاری بندی اچ رہ تے کم کیتا ویسی ۔انہاں آکھیے جو پاکستانیاں کوں واپس گھن آونڑ کیتے پہلی فلائٹ 4 اپریل کوں اسلام آباد آسی۔ وفاقی وزیر اسد عمر آکھیے جو کھاونڑ پیونڑ دیاں چیزاں دیاں دکاناں کھلیاں رکھنڑ ضروری اے ، سارے صوبے ایں فیصلے تے عمل درآمد کریسن ۔باہرلے ملک توں آونڑ آلے لوکاں دا کرونا ٹیسٹ کیتا ویسی تاں جو ملک اچ کورونا ٹیسٹ کیتا ویسی تاں جو ملک اچ کورونا وائرس مزید نہ کھنڈے ،سارے مسافراں دا ائیر پورٹ تے قرنطینہ ٹیسٹ کیتا ویسی ، وزیراعظم تعمیراتی شعبے کیتے گائیڈ لائنز ڈیونڑ دی ہدایت کیتی اے ۔
ملک اچ لاک ڈاﺅن 14 اپریل تئیں جاری رہسی ، پورے ملک اچ گڈز ٹرانسپورٹیشن بحال رہسی، وفاقی وزیر اسد عمر دی این سی سی اجلاس دے بعد معاون خصوصی ڈاکٹر معید یوسف اتے ڈاکٹر ظفر مرزا دے رلے بریفنگ
مضمون کا ماخذ : اسکریچ کارڈ کے نتائج
متعلقہ مضامین
