اسلام آباد 30 مئي (اے پي پي) د خزانې وفاقي وزارت وئيلي دي چې د كورنيو او د بهرنيو چېلنجونو باوجود په معيشت كښې استحکام او تل پاتې نمو لپاره د حكومت لخوا د مرتب كړې شوې پاليسو او حکمت عملۍ سره اقتصادي نمو او سپلائي چين كښې بهتري راروانه ده٬ د موجوده مالي كال په وړومبو لس مياشتو كښې د حسابات جاريه د كهاتو زيان كښې 76 فيصده كمې شوې او بلخوا د اېف بي آر محاصل كښې 16 فيصده نه زياته نمو ترلاسه شوې٬ دغسې حكومتي اقداماتو سره په هېواد كښې تجارتي زيان كښې هم كمې راغلې دې۔ دا خبره د خزانې وزارت لخوا مياشتنيز اقتصادي اپ ډېټ كښې شوې ده۔ د خزانې وزارت له مخې په مالي كال كښې د غېر يقيني كورني او د بهرني معاشي ماحول له امله د مجموعي قامي پېداوار عبوري شرح تر 0.29 فيصده د پاتې كېدو امكان دے ٬ دغې ماحول او د روپۍ په قدر كښې كمي هم د ګرانۍ كچه پرله پسې پورته ساتلې ده٬ د ترسيلات زر كمي له امله هم بهرنۍ ادائيګۍ كولو كښې مسئلې رامخې ته دي خو د زري او مالي استحكام لپاره د مرتب كړې شوې پاليسو له امله معيشت په سمه لاره روان كړې شوې دې۔ د خزانې وزارت له مخې د خريف فصلونو څخه به زرعي هڅې او پېداوار لا زيات شي چې ورسره به په مجموعي اقتصادي نمو اثرات مرتب شي۔ د اقتصادي اپ ډيټ له مخې د مالي كال په وړومبې لس مياشتو كښې اوورسيز پاكستانيانو 11.7 اربه ډالر زرمبادله هېواد ته رالېږلې، په دې موده كښې د هېواد د برآمداتو حجم 23.2 اربه ډالر او د درآمداتو حجم 45.2 اربه ډالر رېكارډ كړې شوې٬ د موجوده مالي كال په وړومبو لس مياشتو كښې د حسابات جاريه د كهاتو زيان كښې 76.1 فيصده كمې شوې او د حسابات جاري د كهاتو زيان 3.3 اربه ډالره رېكارډ كړې شوې دې كوم چې د تېر مالي كال په دومره موده كښې 13.7 اربه ډالره ٶ، په دې موده كښې د نېغ په نېغه غېر ملكي سرمايه كارۍ حجم 1.170 اربه ډالره ٶ او په مجموعي توګه د غېر ملكي سرمايه كارۍ حجم 159.6 مېليونه ډالره رېكارډ شوې۔ د جاري شمېرو له مخې په وړومبو لس مياشتو كښې د نوې كمپنو په رجسټرېشن كښې 20.6 فيصده نمو شوې ده په ذكر شوې موده كښې د 26857 كمپنو رجسټرېشن شوې كوم چې د تېر مالي كال په دومره موده كښې 22290 وه۔
د معيشت استحکام او تلپاتې نمو له پاليسو او حکمت عملۍ سره په اقتصادي نمو او سپلائي چېن كښې بهتري روانه ده٬ د حسابات جاريه د كهاتو زيان كښې 76 فيصده كمې شوې دې۔ د خزانې وزارت رپورټ
مضمون کا ماخذ : لاہور لاٹری
متعلقہ مضامین
