اسلام آباد۔3 دسمبر(اے پی پی) وزیراعظم شهباز شریف د نهې په ورځ دسعودي عربستان په دوه ورځنۍ دوره روان شو۔ د وزیراعظم آفس میډیا ونګ لخوا د جاري شوي بيان له مخې وزيراعظم شهباز شريف به د صفا اوبو او د آبي ذخيرو تحفظ په اړه په رياض كښې كېدونكې ون واټر سرمشريزه غونډه (One Water Summit) كښې ګډون كوي۔ د سعودی عربستان ، فرانس، قازقستان او نړيوال بنك اشتراك سره د كېدونكې دې غونډې مقصد په نړيواله كچه د نړيوالې همكارۍ او اعلی كچې سياسي عزم دلارې د آبي پنګو غوره انتظام او تحفظ باوري كول دي۔ وزيراعظم به په سرمشريزه غونډه كښې د صفا اوبو ذخيرو بحالۍ ٬ تحفظ او دې سره د اړوند جدت په سرخط خطاب كوي۔ وزیراعظم به د پاكستان لخوا د اوبو تحفظ ته وده وركولو ٬ په آب وهوا كښې د بدلون اثرات برداشت كولو ٬ د اوبو معيار ښه كولو او د حياتياتي تنوع تحفظ له په پورته كېدونكو اقداماتو هم رڼا اچوي۔ وزیراعظم به د موسمیاتی بدلونونو دلاسه د سېلابونو ٬ سخت موسمي حالاتو او په آبي وسائلو او ماحولياتي نظام د ګرمۍ د فشار اغېزو مخنيوي له د نړيوالې مرستې اهميت سره سره د آبي وسائلو تل پاتي انتظام له په كوټلې نړيواله مرسته هم زور راوړي۔ د سرمشريزې غونډې په مهال به دوه اړخيزه ملاقاتونو هم كولې شي۔ وفاقي وزير عطاﺀ تارړ او خاص مرستيال طارق فاطمي هم وزيراعظم سره دے۔
وزيراعظم شهباز شريف په دوه ورځنۍ دوره سعودي عربستان ته روان شو
مضمون کا ماخذ : لاٹری ٹکٹ جیتنے کے نمبر
متعلقہ مضامین
