اسلام آباد ۔ 8 ستمبر (اے پی پی) وفاقی وزیر خزانہ اسحاق ڈار آکھیا ہے جو پاک چین سٹریٹجک تعلقات علاقائی امن و استحکام دے ضامن ہن۔سی پیک منصوبے نال ڈوہیں ملکاں وچال ڈو پاسے تعلقات بئے مستحکم تھے ہن۔جمعے کوں بیجنگ اچ اپنڑے چینی ہم منصب زیا وجی نال ملاقات دے دوران گالھ مہاڑ کریندے ہوئیں اسحاق ڈار آکھیا جو پاکستان تے چین وچال سیاسی ،ادارہ جاتی تے ہر سطح تے خوشگوار ڈو پاسے تعلقات موجود ہن جڈاں جو سی پیک منصوبہ نال اے تعلقات بہوں پکے تھے ہن ۔انہاں آکھیا جو اے منصوبہ ڈوہیں ملکاں کوں ہک ڈوجھے دے نیڑے گھن آسی ۔انہاں اپنڑے چینی ہم منصب کوں کاریک انسٹی ٹیوٹ دے افتتاح دے موقع تے مبارخ ڈتی تے آکھیا جو پاکستان انسٹی ٹیوٹ دیاں سرگرمیاں اچ فعال شرکت کوں جاری رکھیسی۔ملاقات دے دوران دوہیں وزیراں سانجھی دلچسپی دے امور سمیت ڈو پاسے اقتصادی تعلقات کوں مزید ودھاونڑ تے وی گالھ مہاڑ کیتی ۔چین دے وزیر خزانہ زیاو جی دورہ چین تے اسحاق ڈار دا خیر مقدم کیتا تے آکھیا جو ڈوہیں ہمسایہ ملکاں وچال اعلی سطح تے تبادلے مستحکم ڈو طرفہ تعلقات دے مقاصد کوں مزید اگی تے گھن ونجنڑ اچ معاون ثابت تھیسن ۔انہاں وختی سی پیک منصوبے تے عمل در آمد سانگے حکومت پاکستان دیاں کوششاں کوں چنگاں آکھیا ۔
وفاقی وزیر خزانہ اسحاق ڈار دی چینی ہم منصب زیاو جی نال ملاقات
مضمون کا ماخذ : اضافی مرچ
متعلقہ مضامین
