پنډدادنخان 28 نومبر (اے پي پي﴾ د اطلاعاتو او خپرونو وفاقي وزير چوهدري فواد حسېن وئيلي دي چې ووټ ته د عزت وركولو نعره لګوونكو په دوه دوه زره روپې ووټ اخستې، وزيراعظم عمران خان د دې نظام په ضد ودرېدلې، دا خلق د خاص مقصد له مخې اقتدار ته راځي، د الېكټرانك ووټنګ مشين څخه هم دا خلق زيات يرېدلي دي، په كال 2016م كښې هم ن ليګ په پنډدادنخان كښې خلقو ته د پېسو لالچ وركولو سره د ووټونو اخستلو هڅه كړې وه، هيله ده چې د ټاكنو كميشن به د ن ليګ په وائرل وېډيو نوټس جاري كړي. ده دا خبرې د اتوار په ورځ په پنډدادنخان كښې اولسي غونډې ته په خپله وېنا كښې وكړې. د اطلاعاتو وفاقي وزير ووئيل چې د ن ليګ انتخابي طريقه د درغلې ده، دا خلق د كوم خاص مقصد له مخې اقتدار ته راځي. ده ووئيل چې ن ليګ د كال 1990م ټاكنې په درغلې ګټلې وې، دا درغلي سترې محكمې هم ډيكليئر كړې ده. چوهدري فواد حسېن مريم نواز او كېپټن صفدر ته مشوره وركړه چې دوي دې د فلمونو جوړولو كاروبار پېل كړي، سياست د دوي د وس خبره نه ده. ده ووئيل چې كله د دوي كېس پېل كېږي نو يوه نه يوه وېډيو رامخې ته كېږي، بيا وروستو معلومه شي چې دا وېډيو جعلي وه. ده ووئيل چې دوي داسې كولو سره په عدليه او پوځ فشار اچول غواړي. ده ووئيل چې نواز شريف او مريم نواز سره د دوي د جائيدادونو ثبوتونه نشته ، كه رسيدونه وي نو هغه دې وړاندې كړي او كه نه وي نو دوي ته به لوټ كړې پېسه ستنول وي يا به زندان ته تلل وي. د اطلاعاتو وفاقي وزير ووئيل چې په پاكستان كښې د عمران خان د مقابلې كوم ليډر نشته، په ټول هېواد كښې د عمران خان ووټ بنك موجود دے. ده ووئيل چې كه څوك هېواد ته پرمختګ وركولې شي نو هغه عمران خان دے.
ووټ ته د عزت وركولو نعره لګوونكو په دوه دوه زره روپې ووټ اخستې، وزيراعظم عمران خان د دې نظام په ضد ودرېدلې، دا خلق د خاص مقصد له مخې اقتدار ته راځي. چوهدري فواد حسېن
مضمون کا ماخذ : raspadinha آن لائن مفت
متعلقہ مضامین
