اسلام آباد ۔ 15 اپریل (اے پی پی) وفاقی وزیر اطلاعات ونشریات چوہدری فواد حسین آکھیے جو پاکستان اچ ٹیکنالوجی دے ودھارے اچ ہواوے دا کردار اہم اے ،یورپ تے امریکا دیاں کمپنیاں پاکستان اچ سرمایہ کاری اچ دلچسپی گھندیاں پن ۔آندا دور ٹیکنالوجی دا اے تے پاکستان کوں دنیا دی رفتار دے نال اگی تے ودھنڑ کیتے ٹیکنالوجی دی مدد گھنڑیں ہوسی ،اساکوں ٹیکنالوجی کمپنیاں نال تعاون کرنڑاں اے اساں اپنڑے نینگراں کوں سائنسی تے جدید ٹیکنالوجی تے مبنی علم حاصل کرنڑ اچ سہولت ڈیونڑیں اے،جدید ٹیکنالوجی تے انحصار ودھنڑ نال جتھاں روزانہ دے معمولات سوکھے تھیندے پن اتھاں روزگار دے موقع وی گھٹ تھیندے پن ،ٹیکنالوجی کمپنیاں جوں ریسرچ اتے ڈویلپمنٹ دے دوران نوکریاں بارے وی سوچنڑاں چاہیدے۔اے گال انہاں سنوار کوں اتھاں ”ہواوے پاکستان موبائل سمٹ“ دے شرکاءنال خطاب کریندے ہوئیں آکھی اے ۔ایںموقع تے وفاقی وزیر انفارمیشن ٹیکنالوجی خالد مقبول صدیقی خطاب کریندے ہوئیں آکھیے جو اساں ٹیکنالوجی دے دور اچ رہندے پیوں جتھاں ٹیکنالوجی دے شعبے اچ تبدیلیاں آندیاں پن ۔انہاں آکھیا جو ٹیکنالوجی اقتصادی نمو اچ اہمیت رکھیندی اے اساں ڈیجیٹل مہارتاں اچ سرمایہ کاری کریندے پیوں ،ٹیکنالوجی پاروں تکھی رفتار سارا کجھ بدال تے رکھ ڈتے ، وزارت انفارمیشن ٹیکنالوجی ڈیجیٹل پاکستان کیتے کوشاں اے تاں جو عالمی دنیا نال چل سگوں۔ کانفرنس دی افتتاحی تقریب توں چین دے اکنامک و کمر شل قونصلر وانگ ژی ہوا اتے ہواوے مڈل ایسٹ دے نائب صدر سن کائی فینگ وی خطاب کیتا۔
پاکستان اچ ٹیکنالوجی دے ودھارے کیتے ہواوے دا اہم کرداراے، وفاقی وزیر اطلاعات ونشریات چوہدری فواد حسین تے وفاقی وزیر انفارمیشن ٹیکنالوجی خالد مقبول صدیقی دا”ہواوے پاکستان موبائل سمٹ“ دے شرکاءتوں خطاب
مضمون کا ماخذ : لاٹری ٹکٹ جیتنے کے نمبر
متعلقہ مضامین
